السلام عليكم..

أخواتي معلمات بند محو الأميه "مسائي"..

لابد من الإتفاق على توكيل محامي يرافع لنا في ديوان المظالم لأن الأمر الملكي واضح وصريح

والله لو ماتحركنا الآن مانشوف الترسيم دايم بعيونا

ماعليكم من الفايز ولا العساف القرار الملكي فوق أي شخص والقرار الملكي يقضي بترسيمنا

لأنا على وظائف حكوميه ونتقاضى رواتبنا من الميزانيه الملك ماجاب طاري شروط ولاضوابط ولاحدد ساعات دوام

فمن أنت يالفايز عشان تضبط أوامر الملك على كيفك

بنات ترى كل البنود تقريبا ترسموا يعني خلاص ارتاحوا ومعاد أحد كاتب ولامطالب بالترسيم معنا ولاراح تثار هالقضيه مره ثانيه في الصحف

عشان كذا خلونا نسرع ونوكل محامي شاطر

لاتروح علينا الفرصه

فيه محامي اسمه العنزي إذا تعرفونه هو اللي دخل على الملك وشرح له قضية بنات الدبلوم

إذا أحد يعرف رقمه ندق عليه ونوكله ونخليه يرافع قضيتنا في ديوان المظالم

أرجووووووووووووووووووكم اتحدوا ولو لمره وحده خلاص

ملينا من الوضع اللي حنا فيه

دايم حنا الأضعف والأحقر واللي ماعلى أحد منا يستثنونا من أي قرار ملكي

تدرون إنا أقدم بند موجود في الخدمه المدنيه وتدرون إن عندي معلمه لها 21 سنه في محو الأميه

خلاص لين متى بنصبر على الظلم