محامي معلمي ومعلمات محو الامية

يا

اخوان وصلني صورة من صك الوكاله للمحامي سليمان الخريف اللي راح يترافع عن القضية


صك وكالة


قرر بقولة إنني أقمت / سليمان بن علي بن عبد العزيز الخريف , سعودي بسجل برقم 1059253177 و ثامر بن عبد الله بن فهد الربيعه, سعودي بالسجل رقم 1050153608 مجتمعين أو منفردين للوكالة عني في المطالبة والمخاصمة والمدافعة و المرافعة وإقامة الدعوي وتحريرها والرد عليها والتقديم اللائحة الاعتراضية وإقامة البينة و الإقرار و الإنكار وقبول الحكم والاعتراض علية وطلب تمييزه وتنفيذه إمام جميع المحاكم الشرعية والإدارية وإنهاء كافة الإجراءا


لازم يكون هذا صك مصدق من المحكمه وترسلـــه على رقم الفاكس وراح اوافيكم برقم الفاكس قريب ان شاء الله
اتمنى عدم التهاون من الاخوان المعلمين والمعلمات لازم يكون العدد كبير عشان نكسب القضيه ومحاسبة المسؤولين

جزاك الله خير بس ياليت تحط رقم الفاكس بأسرع وقت وتكاليف المحامي عشان نساهم معكم

والله ولينا وناصرنا على الفساد بإذن الله

ياخواني وياخواتي انتظرووو شوي نشوف وش يصير لنا المحامي اخر شي نلجاء لة لان اذا اقمناا محامي الان مارح احد ينظر في امرنا يحول لديوان المظالم وغنوووو ياليل مطولك .... انشاء الله فهمتموني
الصوت نبية يوصل لطويل العمر ومانبي غير الملك عبد الله الله يحفظة يبت في امرنا .......................

واحنا معاكم

راح نشوف حلول اكيـــدغير التجمعات ومنها الوصول الى الديوان الملكي ..ولكن ابغى منعكم عدم الاستماع الى المخدرين فالبعض لا يعاني ويتكلم من منظوره الشخصــــــي ...باقي قرار التثبيت من تاريخ 19-5-1432
وحتى بداية شهر شوال .
خلونا بنفس الحماس..
لا تفقدوا الامل..
الى الان ما صدر اي شي في حق التثبيت في كل القطاعات هذي اللي اكــــده الدكتور سحمي الهاجري..

والله بنات انتم تستنون المللك عبدالله يجيكم الضاهر لازم نروح له

اذا رفعنا قضية الحين راح ندخل في موال طويل عريض
اقصر الطرق هو طريق يوصلنا لابو متعب
المحامي والقضايا حبالها طويله
ويمكن ماراح نطلع بنتيجة

الله معاكم وحنا كمان
الله يقويكم ويعطيكم العافية
أرق التحايا و التقدير

يابنات رجاء خاص لاتخربون علينا انتم ماتدركون العواقب؟؟؟ الجميع من ذوي الخبره نصحنا بأن نترك القضاء آخر خطوه لان ولاه الامر لاينظرون لقضيه قائمه ولم يبت فيها وسوف تبقى سنوات في اروقه المحاكم وش على بالكم اليوم نشتكي ونوكل محامي وبكره ناخذ حكم وين عايشين انتوا ماتعرفون المحاكم تبي سنواااااااات على مانحصل نتيجه
رجا الي بتشتكي او توكل محامي يكون بشكل شخصي فقط ومالها دخل في الباقين ,أحنا اتفقنا تكون كلمتنا وحده وخطواتنا مجدوله اولا الملك وبعدين الحلول الثانيه الي بإذن الله عقب ابو متعب ماراح نظطر لها اذا وصلنا ابو متعب خلااااااااص ماراح ندخل متاهات ابدا ,رجاء خاص يابنات لاتتخذون خطوات فرديه لاتنسون ان خطاكم بيعم على الجميع وكذا تضرون الباقين بدون ماتقصدون أحنا وين والمحاكم وين ؟
خلونا نشوف يمكن يتيسر لنا لقاء الملك باقرب فرصه ولاتنسون ان فيه مجموعه كبيره من الرجال سواء امراء او مسؤولين او إعلاميين وولام امور وحتى مشائخ يقفون في صفنا ولجوئنا للقضاء يجعلهم في موفق حرج حيث لايحق لهم بعد ذلك تبني قضيتنا فالقضاء له الكلمه الاخيره فهمتوا قصدي ,الله يرضى عليكم لامانع من القضاء بس لاتقدمون خطوه على أخرى فنتعثر في منتصف الطريق
ابو متعب اولا وبعدها أي شي ثاني .......اتفقنا؟

[||سعوديه للأبد]

يا اخواني واخواتي

القضاء من جد ليله طويل ... وخذ وهات واعط ورد...

المختصر المفيد.........

حلها بيد ابو متعب بعد الله سبحانه وتعالى .......

ولا بنقعد بها سنييييييييييييين مانعرف التثبيت ....

والمعهد اصلا كسبوا القضيه وجلسوا سنتين بعدها ما احد التفت لهم الا لما وصل صوتهم لخادم الحرمين

فخلونا نختصر المسافات ....

ننتظر وش راح يصير ..... بعدها مالها الا ابومتعب