اليا بلينا بالأمور الكليفه

الأمور الكليفة
رثاء في المرحوم له بإذن الله
الشيخ / أحمد بن زايد
للشاعر / ناصر بن ثويني ، انشاد / سعد اليامي

http://www.youtube.com/watch?v=LmhPu...ature=youtu.be

اليا بلينا بالأمور الكليفه =مابه ســوى يالله عفوك والإحسان
مهما تقوت نفس عبدك ضعيفه=أنت القوي مانافسك كـآئن كان ..
وانت الكريم ظلال عبدك وريفه=وانت الرحيم لرحمة الخلق رحمان
وانت البشر من جود لطفك لطيفه=والا مــــابين الأغنياء عاش فقران
وانت الأمين اذا اوجس العبد خيفه=في منزل مـــــاله درايش و بيبان ..
وانت الثقيلة من ودادك خفيفه=لأجلك عمرنا سادس أركان الإيمان
ويهون جرح ماتوقف نزيفه=كنًت مواجيعه شبــآب و شيبان
خوف على بنت الرجال العفيفه=لاقالوا ان الشيخ وابوه .. جيران
تنوح وقلوب الاوادم صخيفه=والموت بيت ضمها فيه .. يتمــان
عيونهم لاغاب ابوهم ذريفه=لو خطوه ساعة زمن صوب عجمان
لاواهشم قلب ضلوعه نحيفه=الله يكتب له على الصبر .. سلوان
صدمه رحيل أحمد علينا عنيفه=نبكي عليه احيان ونجاهد أحيان
ياواحد بأمره تشوف الكفيفه=دٌوك العباد أسراب رجلي وركبان
قدام بابك مانوت بالنكيفه=انت العزى فاحمد مروفه وغفران
طيب ثراه وخل نصرك حليفه=لو جاك ومن الذنب مخباه مليان
واجبر عزى الشيخ الفلاحي خليفه=والشيخ ابو خالد محمد وسلطان
والشعب وشيوخ البلاد المضيفه=واللي يعـــود في سلالة .. نهيان