خااطره عن(فراق الام)

[frame="9 50"]خااطره عن(فراق الام)





امام , خااطره , عنفراق


خااطره عن(فراق الام)


يـــمـــه..

تكفين اسمعيني..

يمه ابسالك شي..

جاوبيني...

هو صحيح اللي مات

داخل القبر يصير حي

يـــــمــــــــه..


اسمع انا صوتك

كل يوم اسمعه

واذا حاكيتك هاوشيني

قالوا انسى

روحي يالله العبي.....!!

يمه تعالي ارجعي...

والله خلاص بسمع كلامك

ما اخرب العابي..

وان قلتي يالله..

روحي نامي..

آروح حتى ما تزعلي..

يمه تكفين ارجعي..

اليوم حطت المديره..

نجمه من فوق جبهتي..

يمه سمعتها تقول..

مسكينه هالبنت صارت يتيمه..

قالت لها ابله منيره..

مسكينه توها صغيره..

وش كانوا يقصدون..

يمكن عشاني صرت عاقله..

ولا عشاني دايم اسرح..

يــــمـــــه مريولي توسخ..

ما كان قصدي اوسخه..

بس تذكرت انك تقولي..

بعد شهرين..

بشتري لك لبس ثاني..

يمه تعالي اشتري...

يمه عرفتي مها..

صديقتي اللي معي..

زاعلتني...........

تقول ماصارت انا اضحكها...

راحت تدور غيري..

عشان تلقى احد يونسها..

يــــــمـــــه

يالله خلاص لاتمزحي

يالله قومي

تعالي معي للبيت ارجعي

يــــــمه يــــــــمه

نسيت شي...

بقولك ترى بيتنا صار فاضي..

ماحد يجينا..

والكل الي فيه انا واخواني..

ليه وين اقاربنا..

وين خالتي..

اللي كانت تجينا..

يـــــــــمه يــــــــمه يالله قومي تعالي..

تكفين يالله تعالي..

ما ودي ارجع لحالي..

والله خايفه..

ترى امس جيتك..

ما رديتي..

حسبتك نــــايمه

او اقولك..

خلاص خلاص

انا بجيك بكرى,,,

اذا راحوا من هنا الناس,,

تكفين يمه بكرى اصحي,,

تكفين يمه بكرى ارجعي[/frame]
اسئل الله العظيم ان يجمعنى بامي الغاليه الله يرحمه ويغفرلها ويغفر لجميع المسلمين امين

كتب احساسك ومشاعرك

فأخذت منا الكثير من الاحساس

نسال الله العلي القدير ان يرحم والدتك ويرحم اموات المسلمين اجمعين


شووووق

اسأل الله العلي القدير ان يجمعني واياك بامي وامك في جنات النعيم
حبيبتي وغاليتي قرات هذه الكلمات كثيرا (لم ناخذمن الدنياعهد على دوام الصفا ءوجبلت على المكدرات لم تصفو لحبيبنا محمد صلى الله عليه وسلم من قبل)
فقدت والدتي بين طرفتي عين وانتباهتها كدت اجن لولا رحمةالله رحلة.. تلك الملكه رحماك ربي اللهم واغفر لهم وارحمهم وجبر كسر قلوبنا

بكيت وانا اقرأ كلماتك
هي حال الدنيا قال تعالى (لقد خلقنا الانسان في كبد)
غاليتي اعلم انه من المستحيل النسيان ولكن نسال الله السلوان

الله يعينك مااصعب فراق الام الله يجمعك فيها بالجنة

ياويلي ذبحني البكاء وأنا أقرأ الخاطرة يارب أحفظ والديا ارجوا منكم الدعاء لهما فهم مرضى يارب اشفيهم شفاء عاجل لا يغادر سقما

اللهم امين يارب يشفيهم

وخاطرتك رووووووووعه ياغروب

ربي يسعدك

خاطرة حزينه...
نبشت الجراح على الفراق..
لوالدية...
فاللهم ارحمهما... وأجمعنى بهما بالفردوس الاعلى من الجنه...
أ/ غروب
جمعك الله بوالدتك بالفردوس الاعلى من الجنه

[أم عبدالعزيز]

رحم الله والدتك رحمة واسعة واسكنها فسيح جناته
خااااطره رغم انها محزنه الا انها اكثر من رائعة
سلمت اناملك الذهبية
لك مودتي

لا اله إلا الله
سبحان الله ناس تتمنى رجوع والديهم وناس ربي منعم عليم
بوالين على قيد الحياة فقصروا في برهم بل نرا ونسمع قصص يشيب لها الوليد

اختي الغالية غروب اسأل الله أن يجمعك ووالديك في الجنة وأن يرفع بك منزلتهما ويلبسهما بك تاج الوقار
وجميع من فقد والديه
اللهم ارحم والدينا ووالدي المسلمين وارزقنا برهم والاحسان اليهم وتقبله منا ووفقنا لذلك على الوجه الذي يرضيك عنا

[||سارة]

خاطرو جدا رائعة ومحزنة ماقدرات أكمل بقية الخاطرة

سبقت دموعي ردي لك كل الشكر وسلمت اناملك التي خطت الخاطره