السلام عليكم ورحمه الله وبركاته
كيفكم ؟؟؟؟
موضوعي اليوم عبارة عن مقارنه بين زواجاتنا وزواج وليام وكيت

كنت جالسه بالصاله انا وباقي اخواتي وبالصدفه لقيت الحفل سويت ازعاج فضيع حتى امي ياحياتي عليها جلست تشوف وش السالفه :36_2_13:..بس المهم أعجبها لبس ملكة انكلترا اليزابيث الثانية وقلت لها بأفصل لك أحلى منه:36_2_11:
المهم من ابتدى الحفل اشغلتنا القبعات ولبسهم لها
ولما ابتدت مراسيم الحفل ابتدت المقارنه بينهم وبين عروسنا
ياناس ابي بزر من بزارينهم يركض مثل بزارينا وياليته يركض وبس لااا ...لازم يمر على الي بالطاولات كذا لعانه براسه .... ويمر من جنبك ويقول اذا فيك غير امسكيني طبعا بااتلفت من باب الذوق وبقلبي ادعي امه تكون بعيد عشان اصيده وياويله مني
طبعا بأحلامي اصيده
هذا شي ...تعالو شوفوا الزفه اصعب جزء عندنا
ياعندهم هدووووووووووووووووووء فضيع اما احنا تعالي شوفي الكل يدور على العباية عشان التصوير على بالهم cnn ومابراسنا غير صورهم ...
غير الي مستلمين ممر العروس استعراض وتستحين تنزلينهم
تعالي شوفي بعض أهل العروس انتهى البرستيج عندهم ابتدوا في استخدام الخيزرانه للدفاع عن زفه اختهم
الكل في حاله ترقب وكل الاسئله الي براسهم
وش لابسه العروس؟؟؟وكيف الزفه؟؟؟نوع التوزيعات ؟؟؟ومن هالكلام
الين تخلص الزفه على خير ...يقول الكل عاديه وبايخه وقديمه ...قمه الاحباط
اما مكياجهم ....ياويلي ادور على كحلتها مالقيتها..اما احمر الخدود ماقصرت فيه الاميره "كيت"
لازم تكثر عشان الخجل
اما مكياجاتنا ويلي اذا ماوصل الظل للحاجب فيها ضياع للكوافيره لانه بيسبب غضب العروس
واحلى عروس الي ظلها يوصل للحاجب طولا وللإذن عرضا مع اضافه توابل اللمعه الخارقه الي تشوفها من بعد كيلومتر
ولا الإكسسوار هم حلق رايق والخاتم هو بيلبسها
احنا يصدع راسها من كبر الحلق في كل اذن ربع كيلوا
وياولها اذا ماتلبس حلق واسورة وتعليقه وخاتم يعني ولا مكان خالي
خلي الاكسسوار واتجهي للفستان
قالوا الفستان من اسرار الدوله ...قلت ماعاد وراه شي اكيد ابداع عيني عورتني تدور على باقي فستانها مالقيت غير دانتيل
ويل قلبي على الدانتيل نعوووووووووووومه لااا والغريب متستره ..فستان بأكمام !!!!!!
احنا اتحداك تشيل فستانها ....ماينفع يكون ناعم عندنا ولازم طبقات من الانتفاخ

تعبت والله ..انتوا كملوا باقي الفروق ببعض تجاربكم مع زواجاتنا


بس قبل مااروح مااقدر انكر شي مهم
احنا اهل الذوق والروعه والابداع والجمال العربي مافيه مثله