السلام عليكم ورحمة الله وبركاته ..




حلى شوكلاتة هوبي Hobby .

وعشان نحن في عصر السرعه .. هذا الحلا ما يبغالو وقت ... كلها على بعض من بداية تجهيزه إلى الثلاجه ربع ساعه تقريباً .
ومن نص ساعه إلى ساعه في الثلاجة ..

فنبدا بسم الله بالمقادير والطريقه :
1_ بسكوت شاهي .
2_ علبتين قشطه .
3_ ظرف دريم وب .
4_ شوكلاتة هوبي .
وهذي شكل الشوكلاته إللي ما يعرفها ... وهي متواجده في أغلب السوبرماركات وسعر الواحده نص ريال..ونحتاج منها 6 حبات .



الطريقة :
نرص بسكوت الشاهي طبقات في صينية بايركس بعد ما ليناها بالحليب السائل والنسكافيه .. وأحرصوا أنكم تخلون البسكوت لين .. حتى ما يكون ناشف .. وفي نفس الوقت لا تخلونها بزياده لينه حتى بعد ما تحطونها وتقدمونها في الصحن يكون في سوائل .



ملاحظه : تقدرون تسوون اكثر من طبقه .. في هذي الصينيه ( وهي اصغر صينية بايركس في المجموعه ) سويت 4 طبقات ..
بعدين نجي نخلط في المكسر .. القشطه وظرف دريم ويب ، و شوكلاتة هوبي ... وانا اضفت بعد الباقي من الحليب والنسكافيه اللي بقى بعد ما لينا البسكوت . عشان تختلط المكونات .. ولا تكون ثقيله .. في حالة ان الخليط صار خفيف تقدرون تزودون من الشوكلاته ..



وبعدين تكبون الخليط اللي خلطتوه فوق البسكوت ..
طبعا الخليط ما كان لا ثقيل ولا خفيف مثل خليط كيك بتي كويكر



وهنا شكلها قبل ما ادخلها في الثلاجه ..



وبعدين دخلوها في الثلاجه مو اكثر من ساعه ,,, طعمها لذيذه وخفيفه ..



بصورة أوضح ...



وصحتــــيــــن على قلوبكم ...

ودمتم جميعا بود


منقول