من بادي الوقت وهذا طبع الايامي
عذبات الايام ماتمدي لياليها
حلو الليالي توارى مثل الاحلامي
مخطور عنى عجاج الوقت يخفيها
اسري مع الهاجس اللي مابعدنامي
واصور الماضي لنفسي واسليها
اخالف العمر واراجع سالف اعوامي
وانوخ ركاب فكري عند داعيها
تدفى على جال ضوه بارد عظامي
والما يسوق بمعاليقي ويرويها
الى صفى لك زمانك عل ياضامي
اشرب قبل لايحوس الطين صافيها
الوقت لو زان لك ياصاح مادامي
ياسرع ماتعترض دربك بلاويها
حتى وليفك ولو هيم بك اهيامي
سيور الايام تجنح به عواديها