السلام عليكم

اخباركم يالحلويين



اليوم سويت لكم معمول
بس بصراحة ماهو مثل اي معمول


ولا في احد يعرف يسويه غيري

علشان كذا انا بسميه
معمول ريووف

وابيكم تجربونه واذا احد سألكم تقولون ان اسمه معمول ريووف <<<حقوق النشر محفوظة



المهم مابي اطول عليكم

[glow1=663300]هذي المقادير[/glow1]

اصبع زبدة سايحة بدرجة حرارة الغرفة
كاس سمن فارم
نصف كاس سكر بودرة
علبة قشطة ابو قوس
كاس حليب بودرة
رشة فانيليا
وهيل مطحون ناعم تقريباً ملعقة كبيرة

والدقيق 4 كاسات كبيرة ويمكن نزيد الكمية اذا احتاج الامر

[glow1=663300]الطريقة[/glow1]

نخلط السكر مع الزبده الين يختفي السكر
وبعدها نصب السمن شوي شوي ونخلطهم سوا الين يختفي السمن وبعدين نضيف الحليب البودرة وكمان نخلطهم زين
وبعدين نضيف الفانيليا والهيل
وبعد كذا نضيف الدقيق ونلاحظ ان العجينة لينه جداً

وبعدين نحضر القمع او القوالب اللي بنسوي فيها المعمول
ناخذ شوي من العجينة ونحشيها بالتمر



ومثل مانتم شايفين انا احب القالب الصغير
بيعطي منظر احلى ةاشيك لحبات المعمول

بعد ما ننتهي من الكمية اللي عندنا
ندخلها الفرن



وعلى فكرة المعمول لونه ابيض وشكله بالمره خطير
وطعمة واااااااااااااو شي ما اقدر اوصفه

شوفوا لونه قبل لا يستوي اشلون ابيض


وعندي ملاحظة مهمة
هو ما يحتاج لفترة طويلة علشان يستوي
وكل اللي يحتاجه درجة حرارة متوسطة وتكونوا منتبهين علشان مايحترق من تحت

اما بالنسبة للوجة فهو ما يبي اكثر من ثلاث الى اربع دقايق وبس
علشان تحافظون على لونه الابيض



والحين هذا هو بعد ما استوا
اتمنى يعجبكم



ومثل ماقلت لكم
[glow1=CC0066]اسمه معمول ريووف[/glow1]


طبعاً الموضع لي انا نقلته من منتدى اخر معرفي فيه ريووف ولا احلل من تنسبه لنفسها بأي شكل من الاشكال