حلا فخم ورائع وشكله جنان

جبتلكم اليوم طريقة كرات الكيك المغلفه بالشوكلاه ..او الترافيل ،،

الخطوات بسيطه وسهله ..بس الفن في طريقة تغليف الكيك بالجوكلت ،،
هذي المرحله انا اعتبرها مش سهله كبدايه ..
انا لما كنت اسويها قبل سنتين ماكانت تضبط معاي مثل الحين ،،
و الحين عرفت السبب ،،وبشرح لكم بالتفصيل
(احب انوه ان اللي فالصور نص المقادير المكتوبه )

الاغراض اللي بتحتاجينها :
1- علبه وحده كيك جاهز اي نكهه جوكلت
او فراوله او فانيلا اللي يعجبج ..
2- كريمة الجبن او الكريمه اللي تنباع جنب الكيك القواطي
(انا افضل شغل البيت )
3- 400 ج جوكلت خاص بالطبخ (نوعيه جيده )
4- اعواد المصاص او اعواد الباربيكيو ( الاستغناء عن العود)
5- سباركلز للزينه
مقادير كريمة الجبن :
50 غرام زبده ( مايعادل نص اصبع واحد فقط) بدرجة حرارة الغرفه
نص كوب جبن فيلادلفيا او كيري (7 حبات ) بدرجة حرارة الغرفه
كوبين سكر ناعم
ملعقه صغيره فانيلا
الطريقه :
اخبزي الكيك بنفس الطريقه الموضحه عالعلبه ..

في اثناء ماتكون الكيكه فالفرن حضري الكريمه
( بخفق الزبده والجبن والفانيلآ واخر شي السكر الباودر بالتدريج )
------ اتركي الكريمه على جنب ( اسمحولي ماصورت هالخطوه)
وبعد ماتبرد الكيكه فتتيها باليد او بمكينة الفود بروسسر
( انا افتتها بيدي لأن المكينه تخليها معجنه وايد)





بالتدريج ضيفي الكريمه على الكيك وحركي بالشوكه (--- بالتدريج----)
انا احتجت ثلاث ارباع الكميه او اقل
..اعجني باليد علي خفيف لين ماتتشكل عندج مثل العجينه
وتقدرين تشكلين منها كور متماسكه نوعآ ما ..
مرات احتاج ابرد العجينه ..فأخليها نص ساعه فالثلاجه !





كوري العجينه كور بالحجم الوسط ( تقريبآ اصغر من كرة تنس الطاوله)
بتكفي العجينه تقريبآ ل 50 حبه ..
ثبتي عليهم العيدان ..( تقدرين تستغنين عن العود
ووقت التغميس ترفعين كل كوره بالشوكه )

حطيهم في صينيه فيها ورق زبده ..وخليهم فالفريزر 20 دقيقه تقريبآ



طلعي الصينيه من الفريزر
ذوبي الجوكلت المكسر ( ابيض او بني ) في المايكروييف لمدة 50 ثانية على قوه متوسطه


غمسي كل حبه بالجوكلت ..طبطبي على طرف المله
لحد ماينزل الزايد من الجوكلت
( اهم شي مايكون الكيك مثللج او باااارد وايد زياده عن اللزوم )
ولو نسيتيه فالفريزر طلعيه وقت التغميس وانتظري لحد ماتكون برودته معتدله ...
هاي سر من اسرار التغليف الجيد..
واذا جمد الجوكلت معاج وانتي تغمسين حطي نقطة زيت عادي
للجوكلت وبيرجع طبيعي ،
،تحملي تضيفين ماااي خطأ كبير وبيخترب عندج الجوكلت ،،،
هاي سر ثاني



رجعي حطي الحبه المغلفه في ورق زبده ورشي السباركلز من فوق
قبل لا ينشف الجوكلت
انا لفيت على كل حبه بشريطه ،،يطلع شكلها كيوووت ..


سويت نوعين ..نوع بالجوكلت من داخل
ونوع بالفانيلا من داخل


صراحه انا مااقاوم الكيك جوكلت هالمره بس قلت اغير شي
واسوي شكل ثاني اللي هو الفانيلا




وبالعاااااااااااااااااااااااااااااااااااااااافيه على قلووووووووووووبكم *_^ منقووول

حلا حلو ياالامبراطوره

يالله شدي حيلك وسوي لنا وجيبيه هنا في المنتدى

حلا حلو ياالامبراطوره

يالله شدي حيلك وسوي لنا وجيبيه هنا في المنتدى

كلك ذووووق وراح اسوية لكن بشرط مااا تسب حلو مو حلو تاااكلة هههه
ربي يسعدك ومشكوووووور على مرورك المحبب

[||حنايا الروح]

كل الشكروالامتنان على روعه طرحك..
إنتقاء راائع
سلمت يمناك ...وسلم قلمك
نترقب المزيد من جديدك الرائع
دامت لنا روعه مواضيعك
تحياااااتى

كل الشكروالامتنان على روعه طرحك..
إنتقاء راائع
سلمت يمناك ...وسلم قلمك
نترقب المزيد من جديدك الرائع
دامت لنا روعه مواضيعك
تحياااااتى

الله يسلمك يالغلا ولك كل الشكر على مرورك الأكثر من رائع

[||سعودية رايقة]

يــ ع ـطيكـ الــ ع ـآآفيهـ يـآآلــ غ ـلآآآ ,,

ولاتحرمينامن جديدكـ ,,,, لآعدمتي ,,, ولآهنتي

[gdwl] [/gdwl][gdwl][/gdwl][gdwl][/gdwl][gdwl]
يسلمو يالامبراطرورة على الطبخة الجنان ذي
[/gdwl]

واو مرة حلو وشكله شيك تسلم الايادي

سلمت اناملك ويعطيك الف عافيه شكله مغري0