نبي رواتبنا الله لايسامحكم ولايحللكم على ماسويتو فينا

كل مسؤل يزحلقنا لغيره ويشيل يده من الموضوع وعذره دايم مو من اختصاصنا

طيب حنا يامحو الأميه مو من اختصاصكم مو معلمات في إدارتكم

تلفون واحد ترفعونه للشؤن الماليه مو مخسركم شيء

وبيحسسهم بالمسؤليه والحرج

ياناس حنا مانبي الراتب للنزهه وللدلع وللتماشي

حنا نبيه لحاجات مايعلم فيها إلا الله

والله والله والله إني على وشك أن اتسلف بسبب الحاجه وأنا معلمه

ياناس مسكنا هالوظيفه بالرغم من قلة الراتب بس عشان تكفينا مدة اليد والحاجه لهذا وذاك ومع كذا ماسلمنا

حسبي الله عليكم ونعم الوكيل

حسبي الله عليكم حسابن شديد يذيب الحديد

الله ياخذ حقنا من كل مسؤل أو مسؤله في يده إنه يحرك الموضوع ويرجع لنا حقنا ويتقاعس

كل موظفين وموظفات الدوله استلموا رواتبهم من 8 أيام وحنا إلا الآن مانزل لنا ولا ريال

قسم بالله العلي العظيم إن فاتورتي صادره و جوالي استقبال

عيب عيب وحرام خافو الله فينا

اتقوا الله فإن الظلم ظلمات

أنتم بخستونا حقنا وأخرتوا علينا رواتبنا والرسول عليه أفضل الصلاه والتسليم يقول وهو من لاينطق عن الهوى

أعطوا الأجير أجره قبل أن يجف عرقه

فأيـــــــــــــــــــــــــــــــــن أجورنا...........؟؟؟؟؟؟؟؟؟؟؟؟؟؟؟؟؟؟؟؟