وما توفيقي الا بالله

السلام عليكم ورحمة الله وبركاته

اخواني انا اليوم زرقت للديوان فرع الرياض بخصوص مطابقة البيانات الساعه 1.20م واثناء المطابقة وتعبئة الاوراق المطلوبه لذلك سألت الموظف اللي قاعد يسوي لي مطابقة وقلت له بخصوص التثبيت متى راح يتم الامر ونتثبت ؟ رد وقال مهيب عندي عند الاخ اللي هنــــــــــــــــــــــــــــــــــــاك طالعته واشوف الاخ جالس على الكرسي وواضح انه طفشااان المهم جلست اقول بيني وبين نفسي يارب يطووول في القعده يارب ما يقوووم وصارت عيني على موظف المطابقة وموظف لجنه التثبيت عين هنا وعين هناك ....

بعد ما خصلت من المطابقة اتجهت لموظف لجنة التثبيت ويوم وصلت له ابتسمت بوجهه وقلت : السلام عليكم
موظف لجنة التثبيت : وعليكم السلام ,,,

انا : اخوي بسألك متى راح نتثبت ؟

موظف لجنة التثبيت : على الميزانية القادمة عام 1433هـ .

انا : طيب اخوي هل التثبيت على دفعات ومراحل والا راح يتم تثبيت الكل دفعه واحده ؟

موظف لجنة التثبيت : التثبيت راح يكون دفعه واحده حسب التوجيه اللي جانا وليس على مراحل .

انا : اخيرا سعدت بهذا الحوار معك ( حسيت اني صحفي ) هذي زياده من عندي

هذا اللي صار معي وحبيت انقله لكم لكثرة التساؤلات حول هالموضوع وما حبيت اكتم علم وصلني

والله من ورا القصد


منقوووول توه اليوم من منتدى موظفين وموظفات المملكه الخبر جديد والله يكتب اللي فيه الخير للجميع
دعواتكم بتيسسير اموري.