قصه حزينه تقطع القلب

هذه القصيدة قصتها لنا احدى الاخوات الكريمات وسوف اذكر لكم ماقالت بالنص



هذى قصيده سمعتها وحبيت اقولها لكم
القصيده حزينه وتبكى ....وانا لما سمعتهااا سويت مناحه بالبيت
وهى قصه طويله بس اختصارها ،،
ان امراه كانت متزوجه وتزوج عليها زوجها من وراها وجاها بالبيت وقاله ابيك تروحين معاى للسوق تشترين كل شى بخاطرك ويعجبك
المهم الحرمه المسكينه شرت كل شى حلوو عجبها من مكياج وملابس
ولما جوو البيت

قالها زوجها وين الاغراض اللى شريتيها
قالت له ليش قال الاغراض مولك للمره الجديده وكنت ابيك تشترين الاغراض بنفسك
لانى انا ما اعرف اذواق الحريم وانتى اكيد ذوقك حلوو

الحرمه ماتت من القهر
وطاحت بالمستشفى وخمس سنين وهى بالمستشفى فى غيبوبه
سبحان الله الحرمه صحت بقدرة قادر بعد خمس سنين ......ولما سالت الاطباء وسالت ..فى
احد زارنى قالولها لا محد زارك
وقالت القصيده
تكفين يا طيور الحرار افزعيلى
...........................ابى عن ديار الاهل منك اخبار
تكفين حومى فوقهم وارجعيلى
........................... وإلا ان حصل لك حومه داخل الدار
تكفين حول بيوتهم دوريلى
................................سبعة فروخ يوم اخليهم صغار
شوفى ضناى وعودى وانكفى لى
................................واشلونهم يا علهم صارو كبار
نسوا دفاي ونومهم فى شليلى
..............................وش علمهم يا علهم بطول الاعمار
قولي لهم ان امكم لها عويلي
..................................خمسه سنين دمعها دوم مدرار
وقولي لهم إني علي طول ليلي
....................................أنوح وليا قرب الصبح أنهار
وقولي عيوني دايما له هميلي
....................................تبكي ليا شافت من الناس زوار
كل يوم اقول غدى حديهم يجيني
..................................راحت سنيني مابهم واحد(ن) زار
وانا اللي من سبت سوات الحليلي
......................................حالي تردى كل ماله وينهار
وفرقا ضناي اللي تردت بحيلي
...................................كني على شوفتهم اصلى على نار
ياويلي كان الله عجل رحيلي
.................................وانا لي سنين ابي لو هي اخبار
ياعونة الله من يبي يرتكيلى
................................ ليا جارت علي بأمر الله كل الأقدار
تنكروا من يدخلون الدخيلى
.............................واللي بوسط ديارهم يامن الجار
قولي لهم ياطيور قلبي عليلي
............................الله يكافي قلوبهم صارت احجار
وانا اللي لبراق الخيال استحيلي
................................واقول ياعل ديرتهم للأمطار
تكفين وسط ديارهم صوتيلي
.............................شوفي عسى لأسمي مع الناس تذكار
وقولي لمن نسيانهم يستحيلي
...............................ياللي نسيتوها ترى الوقت دوار
ياهيه ياللي بالسما لك هديلي
..............................ردي خبر تكفين يكفي امرار
شوفي هاك اللي نومهم في شليلي
...................................من اذان المغرب لوقت الأسحار
شوفي هاك اللي ماتهنى في مقيلي
.................................إلا مقيل معهم كبار وصغار
وقولي لهم ان كان حملي ثقيلي
...............................مره يجون وعقبها شي ماصار
وانا يتولاني كريم(ن) جليلي
................................ياعلني في جنّة وسط الأبرار

حسبي الله ونعم الوكيل على كل رجال يسوي كذا
الصراحة انقهرت وبكيت
الف شكرلك اختي راما

قصة مؤثرة


مشكوره

حسبي اللة علية اثرتي فينا قلبي
سلمت ابداعاتك الرائعة

هذا ماهو برجال

انغث من القصص اللي ما اعرف نهيتها طيب وبعدين ايش صار شافت عيالها ما شافتهم
والله بعض الشعراء ينسج قصه من خياله ثم يترجم هالقصه على شكل قصيده ونبلش حنا بمشاعرنا نحوها

الله يعطيك العافيه راما ما تنخشين الا القصص اللي تدق مسامير بالقلوب

الله يعطيك العافية

حسبي الله ونعم الوكيل على كل رجال يسوي كذا
الصراحة انقهرت وبكيت
الف شكرلك اختي راما

منوره والله غاليتي حتي انا مت من الصياح خاصه عنده اطفال ياويل قلبي عليه علشان

كذا انا مااحب الرجال لكثرررررررررررررر الخيانه فيهم

قصة مؤثرة


مشكوره

منوره نسومه اشكر مرورك

حسبي اللة علية اثرتي فينا قلبي
سلمت ابداعاتك الرائعة

هلا وغلا لوله منوره انتي المبدعه بمرورك الجميل

هذا ماهو برجال

انغث من القصص اللي ما اعرف نهيتها طيب وبعدين ايش صار شافت عيالها ما شافتهم
والله بعض الشعراء ينسج قصه من خياله ثم يترجم هالقصه على شكل قصيده ونبلش حنا بمشاعرنا نحوها

الله يعطيك العافيه راما ما تنخشين الا القصص اللي تدق مسامير بالقلوب

منور والله القصه الحزينه حتي لو كانت من نسج الخيال الانجد من هو يعيشها علي ارض

الوقع الحزين ولكن التي امامنا قصه فعلا واقعيه وحسب معلوماتي البسيطه انه توفت ولم

تشاهد اطفالها الله علي الظالم اشكر شعورك الطيب استاذي